Txina da denen buru, % 34ko arantzelekin, baina aurrez ezarritako % 20koak batu behar zaizkio (guztira, % 50tik gora). Hegoaldeko ekonomia ahul askok % 40-50eko zergak pairatuko dituzte, hala nola Lesotho (% 50), Kanbodia (% 49), Laos (% 48), Madagaskar (% 47) eta Vietnam (% 46).
Europako plaza handien artean, Milanen % 3,6ko jaitsiera eta Parisen % 3,11koa nabarmendu dira; Frankfurt % 3,08 erori da eta Londres % 0,55. Ibex 35ek % 1,19ko beherakadarekin itxi du ostegun hau.
Kobrea, urrea, produktu farmazeutikoak, erdieroaleak, zura eta AEBetan "eskuragarri ez dauden" energiak eta mineralak muga-zergetatik kanpo geratu dira. Errusiak, Kubak, Ipar Koreak eta Bielorrusiak ez dituzte muga-zergak jasango, dagoeneko zigor ekonomiko gogorrak pairatzen dituztelako.
Inposatzen den interpretazioa da hiruko erregela sinple bat aplikatzea: merkataritza-defizita bazkide jakin batekin zatitzea inportazioen balioarekin, emaitza 100ekin biderkatuz, eta hori betetzen da EBren, Suitzaren eta Txinaren kasuan, besteak beste.
Kontingentzia planaren helburua da AEBk ezarritako muga zergek kaltetutako enpresak eta langileak babestea eta ekoizpen gaitasuna egokitzen laguntzea. Halaber, Ekonomia ministroak erkidegoen arteko merkataritza konferentzia deituko du, eta talde politikoekin bilera-sorta bat egingo du.
Europako Batzordearen presidenteak ez du zehaztu zer-nolako neurriak hartuko dituen Trumpen muga-zergen aurrean, eta negoziaziorako deia egin du, beste behin. Hori bai, ohartarazi duenez, Batzordea "erantzuteko gertu dago". EBko eta AEB Merkatarita komisarioek bilera egingo dute ostiralean.
Imanol Pradales lehendakariak bilera batera deituko ditu Ameriketako Estatu Batuetara gehien esportatzen duten EAEko enpresak, industria defendatzeko taldearen baitan. Aurreikusitakoaren arabera, 400 milioi euroko gainkostua ekarriko diete muga-zerga berri horiek Euskadiko enpresei.
Nafarroan, esportazioen balantza 377 milioi eurokoa izan zen 2024an, eta automobilgintzak eta nekazaritzako elikagaien industriak pisu handia izan zuten.
SOS Nafarroak 15:56an izan du istripuaren berri. Larrialdi zerbitzuek ezin izan dute ezer egin haren bizia salbatzeko, eta gizonezkoa bertan hil egin da.
Behar horren aurrean, Pablo Sanchez Bergasa ingeniari iruindarrak “Medicina Abierta al Mundo” GKEa sortu zuen. Garapen bidean dauden herrialdeetara kostu txikiko inkubagailuak bidaltzea du helburu, eta milaka haurtxoren bizia salbatzea lortu dute, 30 herrialdetan banatuta dauden inkubagailuei esker.
Pablo Sanchez iruindarra "Medicina Abierta al Mundo" GKEaren sortzailea da, eta kostu txikiko inkubagailuak egiten ditu garabidean dauden herrialdeetara bidaltzeko. 'In3ator' izeneko proiektuari esker, 2025eko Girona Sozialeko Printzesa Saria jaso berri du.
Horrela, EAEko Auzitegi Nagusiko Administrazioarekiko Auzien Aretoak baliogabetu egin du Hezkuntza Sailak enpresari ezarri zion 40.000 euroko isuna. Gainera, prozesuaren eragindako kostuak (3.000 euro) ordaintzera zigortu du Administrazioa.
Aurten hasi zen garraio publikoa 12 artekoentzat doakoa izaten; uztailetik aurrera, adin-tartea zabaldu, eta 14 urte artekoek ahal izango dute EAEko garraio publikoa debalde erabili. Era berean, gazteek % 50eko murrizketa izango dute abonu eta tituluetan.
Hizkuntz Eskubideen Behatokiak iaz Euskararen Telefonoan jasotako kexen berri eman du, eta 2024ak hizkuntza eskubideekiko salatu diren gertakarien eta hutsuneen inguruko txostena aurkeztu du ostegun honetan.
Zarauzko surflaria Championship Tourrera itzuliko da, Pipe Pro txapelketan maila gorenean debuta egin ostean. Hurrengo lau probetan parte hartuko du, Tatiana Weston-Webben ordez.
Santurtziko ziklistak amaiera emango dio bere ibilbide profesionalari. Hamahiru urte eman ditu maila gorenean, eta 2025eko abenduan hartuko du erretiroa.
Euskal talde Greziakoaren aurka lehiatuko da finalean. Joaneko neurketa apirilaren 16an jokatuko da Bilbon, eta itzulikoa hilaren 23an Salonikan. Bi partidak zuzenean emango dituzte eitb.eus-ek eta ETBk.
Surne Bilbao Basketek FIBA Europa Kopako finala jokatuko du PAOK Salonikaren kontra. Bilboko taldeak 19 puntuko tartea zuen kontra, eta irauli egin zuen finalera sailkatzeko: itzuliko partida 97-68ko emaitzarekin irabazi zuen. Finalerako txartela lortu dute beltzezko gizonek.
Palisten eta Innpala enpresaren arteko lan-gatazkak konpondu gabe jarraitzen du. Iñaki Urrutia palistak EITB Mediarekin hitz egin du bi aldeek apirilaren 3an izan duten batzarrean gertatutakoaz.
Palisten eta Innpala enpresaren arteko lan-gatazkak konponbiderik gabe jarraitzen du. Apirilaren 3ko batzarrean gertatutakoari buruz hitz egin du EITB Mediarekin Josu Urkijo enpresaren jabeak. (Adierazpenak, gaztelaniaz)
Ekainaren amaiera arte egongo da ikusgai azken hamar urteetan Itsasmuseumeko zabalgunean izan diren kontainer artistikoen maketak biltzen dituen erakusketa.
Luis Mari Bengoa kazetariari erretiroa hartzeko momentua iritsi zaio. Herri Kirolen sustatzailea izan da Luis Mari eta "Urrezko aizkolariak" ekitaldian jaso zuen omenaldia. Egindako lanagatik pozik hartu du erabaki hau.
Iker Laurobak, Klara Mendizabalek eta Maria Amolategik Donostia bisitatuko dute eta, bertako herritarren laguntzarekin, 1813ko setioaz hitz egiten duen abesti bat berreskuratzen saiatuko dira. Ez galdu, gaur, 22:20an, ETB1en eta eitb.eus atarian.