Eustat
Langabezia % 12,8ra heldu da 2012an Euskadin, % 1,6 gora eginda
Erredakzioa
2022/05/05
Araban egin zuen gora gehien EAEko lurraldeen artean; 2011ko azken hiruhilekoan 2012koan baino % 4,6 txikiagoa zen langabeen kopurua.
Langabezia % 12,8ra heldu da 2012an Euskadin, % 1,6 gora egin ostean. Irudia: EITB
% 1,6 egin du gora langabeziak Euskal Autonomia Erkidegoan iaz, hortaz, % 12,8ko langabeziarekin itxi du aurreko urtea.
Eustat Euskal Estatitistika Institutuak plazaratu duenez, biztanleria jardueraren arabera (BJA) sailkatzeko inkestaren emaitzak plazaratu ditu, iazko laugarren hiruhilekoari dagozkion datuak jasota.
Lurraldeka, Araban % 4,4 egin zuen gora lanik gabe dauden pertsonen kopurua, Gipuzkoan % 1,7 eta % 0,9 Bizkaian.
2011ko laugarren hiruhilekoan iazko aldi berean baino herritar gehiago zeuden lanean, % 4,6 gehiago hain zuzen, 42.900 pertsona gehiago zenbatu baitzituzten langabezian 2012ko azken hiruhilekoan: 24.400 gizon gehiago eta 18.500 emakume gehiago.
Aurreko urtea bukatu zenean, EAEko langabe kopurua, alegia, lana modu aktiboan bilatzen duten eta, gainera, horretarako prest daudenen pertsona kopurua 130.200 pertsonatan zehaztu dute, aurreko hiruhilabetekoaren 9.600 gehiago eta 2011ko azken epean baino 13.300 gehiago.
Gizonezkoetan izan da beherakadarik nabarmenena, aurreko hiruhilekoan baino 11.700 langile gutxiagorekin; emakumezkoetan, ordea, 7.700koa izan da beherakada. Hiru lurraldeetan egin du behera langile kopuruak; Bizkaian 7.900 behargin gutxiago daude, Araban 6.500 eta Gipuzkoan 5.000.
Industriako sektoreko langile kopurua 9.400 pertsonatan gutxitu da, 7.700 langile galdu dira zerbitzu sektorean, 1.200 nekazaritzan eta, azkenik, 1.100 etxegintzan.