30 atxilotu, Andaluziako lan erregulazio espediente ustelen harira

Guardia Zibilak 30 lagun inguru atxilotu ditu Andaluziako lan erregulazio espediente ustelekin lotutako ikerketaren harira. Polizia-operazioak irekita jarraitzen du Andaluziako zazpi probintziatan, Madrilen, Katalunian eta Kanarietan.

Guardia Zibileko iturriek jakitera eman dutenez, miaketak ere egiten ari dira Andaluziako zenbait abokatu bufetetan, Xerezen eta Sevillan, besteak beste.

Ikerlarien arabera, ordainketak bertan behera uzten zituzten enpresek langileen erregulazio espedientea onartzea eskatzen zuten, eta langileek aseguru-etxearen bermepean zeuden.

Aseguru horien kudeaketan legez kanpoko ordainketak izan zirela frogatu omen dute.

Gainera, lan erregulazio espedienteagatik Andaluziako Gobernuaren diru-laguntzak jasotzen zituzten enpresek beste jarduera bat hasten zuten iruzur egiten jarraitu ahal izateko.