Euskal enpresa
Urkullu: 'Euskadik susperraldiaren argi berdearekin hasi du urtea'
Erredakzioa
2014/02/16
Lehendakariak esan duenez, euskal ekonomiaren "erronka nazioartera zabaltzea izan da, da eta izango da", eta Jaurlaritza helburu hori lortzeko lanean ari da.
Hurrengo pausoa, lehendakariak zehaztu duenez, Industria Plana onartzea da. Irudia: EiTB
Iñigo Urkullu lehendakariak ziurtatu duenez, Euskadik "susperraldi ekonomikoaren argi berdearekin" hasi du 2014 urtea eta euskal enpresen erronka nazioartera zabaltzea ziurtatu du.
Blogean sartutako testu baten arabera, lehendakariak gogora ekarri du Bost makina-erreminta enpresara duela gutxi egindako bisita "nazioartera zabaltzeko apustua eta produktuen eta merkatuen dibertsifikazioaren aldeko apustua egin duen enpresetako bat".
Horren ildotik, euskal ekonomiaren "erronka nazioartera zabaltzea izan da, da eta izango da", lehendakariaren esanetan, eta Jaurlaritza helburu hori lortzeko lanean ari da.
"2011n eta 2012an atzeraldiaren argi gorria ezagutu dugu. 2013an anbar kolorea ikusi dugu. Orain susperraldiaren argi berdearekin hasi dugu 2014. urtea. Konpromisoa susperraldia hazkunde bihurtzea da, eta hazkundea enplegu", gaineratu du.
Helburuok lortzeko, Jaurlaritzak Enplegu Plana onartu du eta, horri esker, 755 milioi eurokoa, eta enpresak finantzatzeko bide berriak zabaldu. Hurrengo pausoa, lehendakariak zehaztu duenez, Industria Plana onartzea da.