Etxebizitzaren salneurriak behera egin du EAEn eta Nafarroan

Etxebizitzaren salneurria % 0,8 igo da Estatu osoan, iazko bigarren hiruhilekoarekin alderatuta, baina Nafarroan % 6,1 eta Euskal Autonomia Erkidegoan % 0,9 merkatu da.

2008ko -krisi ekonomikoa hasi zenean- lehenengo hiruhilekotik hona, autonomia erkidego guztietako datuak kontuan hartuta izan den lehen igoera da.

Estatistika Institutu Nazionaleko Etxebizitza Prezioaren Adierazlearen arabera, etxebizitza berria % 1,9 garestitu da; bigarren eskukoa, aldiz, % 0,2.

Nafarroan jaitsi da gehien etxebizitzaren prezioa, bigarren hiruhileko honetan, % 6,1 merkatu baita.

Aurtengo bigarren hiruhilekoan, 14 autonomia erkidegoetan izan dira igoera positiboak.

Horrela, igoerarik nabarmenenak Valentzian (% 3,1) eta Kanarietan (% 2,8) izan dira.