Espainiako eta Italiako zorra
Juncker: 'Zorra erostearen alde gaude; ezin dugu denborarik galdu'
Erredakzioa
2022/10/27
"Arazoa konpondu egingo da. Ez gara belauniko jarriko merkatuen mediku faltsuen aurrean", azpimarratu du Le Figaro egunkarian egindako elkarrizketan.
Eurogunea Europako Banku Zentralari (EBZ) jarraitzeko prest dagoela esan du Jean-Claude Juncker Euroguneko presidenteak. Gauzak horrela, Junckerrek bat egin du Mario Draghi EBZko presidenteak iragan astean agertutako jarrerarekin; euroa salbatzeko behar den guztia egiteko asmoarekin, alegia.
Draghiren hitzek Espainiako eta Italiako zorra erosteko konpromisotzat hartu zituzten.
"Zer izango den egingo duguna? Egun gutxi barru erabakiko dugu, merkatuen erantzuna aztertu ostean. Ezin dugu denbora alferrik galdu", azaldu du Junckerrek.
"Ez gara belaunikatuko"
"Arazoa konpondu egingo da. Ez gara belauniko jarriko merkatuen mediku faltsuen aurrean", azpimarratu du Le Figaro eta Sueddeutsche Zeitung egunkarietan argitaratutako elkarrizketan, espainiako zorraren interes altuagatik galdetu diotenean.
"Errezeta" ekainaren 28an eta 29an egindako Europako Goi-bileran adostutakoa dela azpimarratu du Euroguneko presidenteak: erreskate funtsak gobernuen bonoak bigarren mailako merkatuan erostea, EBZrekin koordinatuta".
Eurogunea Europako Banku Zentralari (EBZ) jarraitzeko prest dagoela esan du Jean-Claude Juncker Euroguneko presidenteak. Gauzak horrela, Junckerrek bat egin du Mario Draghi EBZko presidenteak iragan astean agertutako jarrerarekin; euroa salbatzeko behar den guztia egiteko asmoarekin, alegia. Draghiren hitzek Espainiako eta Italiako zorra erosteko konpromisotzat hartu zituzten."Zer izango den egingo duguna? Egun gutxi barru erabakiko dugu, merkatuen erantzuna aztertu ostean. Ezin dugu denbora alferrik galdu", azaldu du Junckerrek. "Ez gara belaunikatuko""Arazoa konpondu egingo da. Ez gara belauniko jarriko merkatuen mediku faltsuen aurrean", azpimarratu du Le Figaro eta Sueddeutsche Zeitung egunkarietan argitaratutako elkarrizketan, espainiako zorraren interes altuagatik galdetu diotenean. "Errezeta" ekainaren 28an eta 29an egindako Europako Goi-bileran adostutakoa dela azpimarratu du Euroguneko presidenteak: erreskate funtsak gobernuen bonoak bigarren mailako merkatuan erostea, EBZrekin koordinatuta".
Informazio gehiago (2)