Parlamentuak hilaren 31n bozkatuko du ordainsaria aurreratzeko legea

EAJk abenduaren 31n, Eusko Legebiltzarreko osoko bilkuran, onartzea aurreikusi du ekaineko aparteko ordainsaria urtarrilera aurreratzeko lege-proiektua. Era horretan partzialki abenduko aparteko ordainsaria ezabatuz joango litzateke.

Lehenengo Gobernuko Batzordean lege-aurreproiektua onartuko dute astelehenean, horren ostean, bi egun geroago Parlamentuko asteroko bileran kalifikatu ahal dezaten. Datorren pausoa Bozeramaileen Bilera deitze izango litzateke ostiralean, bertan eguneko gaiak jar ditzaten.

Galdegindako iturrien arabera, deialdia abenduaren 31n izango da.

Alderdiak dagoeneko Parlamentuk talde batzuei asmo horien berri eman die, horiek euren hautetsiei jakinarazi diezaieten. Mahatsak jan baino lehenago Gasteizen egon beharko dute legealdiko lege mailako lehenengo ekimena eztabaidatzeko eta bozkatzeko.

Legealdiko lehen osoko bilkura 2012ko azken egunean izango da, eta eguneko gai nagusi moduan lege-proiektu horren eztabaida eta bozketa izango ditu. Alderdi bat berak ere ez du esan EAJren Gobernuren asmoaren kontra dagoenik, eta, hasiera batean, arazorik gabe onartuko dute.

Behin Gasteizeko Jaurlaritzak onartuta, funtzionario eta langile publiko guztiei jakinarazi beharko zaie ekaineko aparteko ordainsaria lehenago jasotzeko aukeraz, eta, haiek espresuki ados dauden esan beharko dute.