MCC taldea
Eroskik 2.500 milioiko zorra finantzatzea lortu du bankuen babesarekin
Erredakzioa
Agustin Markaide presidenteak enpresaren pasiboa murrizten jarraitzeko konpromisoa hartu du, azken bost urteetan 1.200 milioi murriztu ondoren.
Eroskiren planta berri baten irudia. Argazkia: EiTB
Eroskik finantza entitateen babes "osoa" lortu du plan estrategikoa burutzeko (2016an bukatuko da), eta, hortaz, 2.500 milioi euroko zorra birfinantzatuko du, enpresatik zabaldu dutenez.
Zehatz-mehatz, taldeak 22 entitate zordunen babesa jaso zuen, zorra birfinantzatuta, Agustin Markaide presidentearekin Madrilen egindako bilera batean. Markaidek enpresaren pasiboa murrizten jarraitzeko konpromisoa hartu du, azken bost urteetan 1.200 milioi murriztu ondoren.
Gauzatzeko, Eroskik finantzaketaren oreka bilatzearen alde egin zuen, merkataritza-jarduerarako baliabideak sortuz, eta horrek 300 milioiko esplotazio errepikaria ekarri du.
Halaber, aipatutako iturrien arabera, higiezinen aktiboak saltzen hasiko da berriro, 2011tik Espainiako "blokeoagatik" etenda izan eta gero.
Gainera, konpainiak denda mota berri bat garatzeko apustua egin du; denda eredu horretan produktu freskoak eta bertokoak lehenetsiko dira.