Datu aurreratua
% 3ra igo da KPIa, argindarraren garestitzeak eraginda
Agentziak | Erredakzioa
Azken sei urteetako tasarik altuenean kokatu da inflazioa.
Argindarraren garestitzeak zuzenean eragin du inflazioan. EiTB
Kontsumorako Prezioen Indizea (KPI) % 3an kokatu da 2017ko urtarrilean, azken sei urteetako tasarik altuenean, hain justu.
INE Estatuko Estatistika Institutuak datu aurreratua kaleratu du (otsailaren 15ean berretsi behar du indizea), urte arteko tasa % 3an kokatuta.
Argindarraren eta erregaien (gasolioa eta gasolina) garestitzeak eragin dute gorakada.
Datua baieztatuko balitz, urtarrileko hazkundea abenduko tasaren halako bi izango litzateke, eta 2011tik erregistratzen den altuena.