Hezkuntza
Haurreskoletako ordezkapen zerrendak urrian irekiko dituzte berriro
agentziak | erredakzioa
Bi asteko epean, izena eman eta baldintzak betetzen dituztenak, zerrendan sartuko dituzte. Gainera, baremazioak egiteko aukera egongo da.
Haurreskolen Partzuergoko zuzendaritzak bilera egin du gaur Bilbon, eta irakasleentzako zerrendak irekitzea erabaki du. Urriaren hasieran egingo dute publiko zerrenden irekiera, eta litekeena da urriaren bigarren hamabostaldian izatea prozesu osoa.
Partzuergoak prentsa-ohar batean jakinarazi duenez, bi asteko epean, izena eman eta baldintzak betetzen dituztenak, ordezkapenetarako zerrendan sartuko dituzte.
Era berean, baremazio prozesua jarriko du abian Partzuergoak, eta urrian izena ematen dutenei eta aurretik apuntatu direnei eragingo die, baina baita lehendik zerrendan daudenei eta puntuazioa berrikusi nahi dutenei.