Biriatu
Auto-pilaketak Biriatuko mugan, 'txaleko horien' protesten eraginez
Euskadi Irratia | eitb.eus
Ipar Euskal Herriko "txaleko horien" mugimenduak ez du larunbatean Parisera joateko deialdirik izan, eta mugako protestan jarriko dituzte indarrak.
Biriatuko muga / Artxiboko irudia: EFE.
Ipar Euskal Herriko "txaleko horiek" protestak egin dituzte Biriatuko mugan ostegunean, eta auto-pilaketak eragin dituzte errepidean.
22:00etatik aurrera bidea mozteko deialdia egin dute "txaleko horiek", eta, ondorioz, batez ere, kamioiak pilatu dira mugan.
Iparraldeko mugimenduak ez du larunbateko Pariseko protestekin bat egiteko deialdirik egin, eta Biriatuko mugan jarriko dituzte indar guztiak. Izan ere, aparteko garrantzia ematen diete Hego Euskal Herriaren eta Ipar Euskal Herriaren arteko mugari, Espainiar Estatua ere inplikatuta Frantziako Gobernua presionatzen dutelakoan.
#Autopilaketak #Ap8 Km 0 #Irun-en Baionako norantzan.
— Trafiko Zuzendaritza (@trafikoaEJGV) 6 de diciembre de 2018
Retenciones #Ap8 Pk 0 #Irun sentido Baiona. #Trafikoa pic.twitter.com/hfx4kSclyx
"Txaleko horien" protestek aurrera jarraitu dute Ipar Euskal Herrian eta Frantziako Estatua osoan. Macronen iragarpenak nahikoa ez direla uste dute, eta, besteak beste, fortuna handien zerga itzultzea eskatzen dute.
Zenbait garraiolarik, ikaslek eta nekazarik mugimendu honen protestak babestu dituzte. Baionako "txaleko horiek", gainera, bat egiteko eskatu diete poliziei.
Manifestazioa egin nahi dute Lapurdiko hiriburuan.