Talde elektrikoaren datuak
Iberdrolak irabazi-markak hautsi ditu 2018an, 3.000 milioi baino gehiago lortuta
Agentziak | Erredakzioa
Konpainia energetikoak 2017an baino % 7,5 gehiago irabazi du iaz, taldearen negozio guztiek izandako portaera onari esker.
Konpainia energetikoak % 7,5 hazi da 2018an. Argazkia: Benjamin Vazquez
Iberdrolak markak hautsi ditu 2018an, 3.014,1 milioi euroko irabazi garbiak lortuta, 2017an baino % 7,5 gehiago, konpainiak Balore Merkatuaren Batzorde Nazionalari jakinarazi dionez.
Taldearen negozio guztiek izandako portaera onari esker, ustiapeneko emaitza gordina 9.349 milioi eurokoa izan da 2018an, aurreko urtean baino % 27,7 handiagoa. Araututako sailek edo epe luzerako kontratuek eragin zuten hazkundearen % 78, taldearen ikuspuntu estrategikoak ezarri bezala.
Azken lau urteotan inbertitutako 200.000 milioi euroei esker (horietako 5.320 milioi iaz inbertitu zituzten), zein nazioarteko hedapenari, Espainiako baldintza operatiboen normalizazioari eta, oro har, negozioen emaitza onei esker lortu dute hazkunde ekonomikoa, Ignacio Sanchez Galanek zuzendutako konpainiak jakitera eman duenez.
Bestalde, Iberdrolak % 13,1 handitu du kutxako emaria, 7.328 milioi euroraino, eta, horrenbestez, kutxa operatiboaren eta zor garbiaren arteko ratioa % 21,5eraino hobetu du.
Hornikuntza elektrikoa alde batera utzita, taldearen erosketak 8.000 milioi euroak izan dira 2018an, eta horien % 85 bertoko enpresei egin dizkiete gainera.
Langileei dagokienez, 1.600 profesional kontratatu ditu talde energetikoak 2018an; guztira, 34.000 langile baino gehiago ditu Iberdrolak, horien % 99k kontratu finkoa dute, eta 425.000 lanpostu eragiten ditu.