Deliverooko banatzaileak 'autonomo faltsuak' direla esan du Madrilgo epaitegi batek

Deliveroo jatekoak etxera eramateko zerbitzua online eskaintzen duen konpainiak Madrilen dituen 500 banatzaileak "autonomo faltsuak" direla ebatzi du Madrilgo epaitegi batek. Deliveroo 2015ean ezarri zen Espainian, eta 2017ra bitartean autonomo faltsutzat izan ditu beharginak lanean. Laneko eta Gizarte Segurantzako Ikuskatzailetzak jarri zuen demanda, eta epaileak arrazoia eman dio.

Epaiketa maiatzaren 31n egin zuten, Madrilgo Lan-arloko 19. Epaitegian. Epaileak frogatutzat eman duenez, banatzaileek "lan-harremana zuten" enpresarekin. Konpainiaren esanetan, aldiz, "kolaboratzaileak dira", eta, horrenbestez, autonomo gisa hartzen dituela aitortu du.

Valentzian beste epaitegi batek ere arrazoia eman zion Lan eta Gizarte Segurantzari, eta banatzaile horiek ("riders" izenarekin ezagutzen dituzte) autonomoak ez ezik langileak direla ezarri zuen.