ABIADURA HANDIKO TRENA
Adifek lehiaketara atera du "Euskal Y"aren elektrifikazioaren zati bat
AGENTZIAK | ERREDAKZIOA
Proiektuko obren garapena bi fasetan egingo da, Gasteiz-Bilbo tartea alde batetik eta Bergara-Astigarraga bestetik.
AHT Bilbao. Artxiboko irudia.
Adifek abiadura handiko "Euskal Y"aren elektrifikazioaren zati bat lehiaketara ateratzea adostu du 639.648 euroren truke eta 12 hilabeteko garapen epearekin.
Zehazki, trakzio elektrikoko azpiestazioen, autoeraldaketa zentroen, goi tentsioko lineen eta energiaren urrutiko aginteen eraikuntza proiektuak idatziko dira Gasteiz-Bilbo-Donostia linearako, baita beharrezkoak diren prozedura guztiak ere proiektuak behin betiko onartu arte.
Proiektuko obren garapena bi fasetan egingo da, Gasteiz-Bilbo tartea alde batetik eta Bergara-Astigarraga bestetik. Adifen arabera, “Konektatu Europa” mekanismoaren bidez ere finantzatu ahal izango da.