Koronabirusa
98.000 langile baino gehiagori ezarri diete lan-erregulazioa EAEn
AGENTZIAK | ERREDAKZIOA
Bizkaian 46.446 behargini ezarri diete aldi baterako lan-erregulazioa; Gipuzkoan, 30.359ri; eta Araban, 21.487ri.
Mercedes-Benz konpainiak Gasteizen duen lantegian ere ezarri dute lan-erregulazioa. Argazkia: EFE
Koronabirusaren hedapenagatik ezarritako alarma egoeraren ondorioz 13.576 aldi baterako lan-erregulazio espediente aurkeztu dira Euskal Autonomia Erkidegoan, eta neurri horrek 98.292 langileri eragiten die jada.
Kontsultatu hemen aldi baterako lan-erregulazioari buruz jakin beharreko guztia
Bizkaian 7.108 lan-erregulazio plan aplikatu dituzte, Gipuzkoan 4.471 eta Araban 1.997. Lurralde horietan, hurrenez hurren, 46.446, 30.359 eta 21.487 behargini eragin die neurriak.
Egunez egun nabarmen hazten ari da aldi baterako lan-erregulazio txostenen kopurua.