KORONABIRUSA
Eusko Jaurlaritzak baztertu egin du Tubos Reunidosen aldi baterako lan-erregulazioa
AGENTZIAK | ERREDAKZIOA
Siderurgia enpresak ekoizpena eten zuen pixkanak hilaren 17tik aurrera Amurrioko eta Trapagarango lantegietan.
Euskal siderurgia. ETBko bideo batetik ateratako irudia.
Eusko Jaurlaritzaren menpe dagoen Arabako Lan ordezkaritzak atzera bota du Tubos Reunidos enpresak aurkeztutako aldi baterako lan-erregulazioa, halabeharrez.
Ebazpenaren berri izan ostean, zuzendaritzak eta langile batzordeak bilera bat egin dute zein pauso eman aztertzeko, baina oraingoz ez dute emaitzaren berri eman.
Siderurgia enpresak ekoizpena eten zuen pixkanak hilaren 17tik aurrera Amurrioko eta Trapagarango (Bizkaia) lantegietan, alarma-egoera ezarri eta aldi baterako lan-erregulazio horrek bere plantilletarako egindako eskaera aurkeztu ondoren.
Orain, Lan Ordezkaritzak atzera bota du aldi baterako lan-erregulazioa, ez dagoela behar bezala justifikatuta "jarduera galtzea Covid-19aren ondorioz" argudiatuz, "halabeharrezko" arrazoia dela ulertzeko moduan, non Estatuak kostu handiagoa hartzen duen bere gain.
Ebazpenean jasotzen denez, "arrazoi ekonomikoengatik lanaldia eteteko eta murrizteko arrazoiak egon daitezke", baina ez da egiaztatzen "ezinbesteko kasua" denik.