Koronabirusa
Mercabilbaok arrain-postuak irekiko ditu larunbatean, baina ez fruitu eta barazkienak
Agencias | Redacción
Arrain handizkarien merkatu zentralak adostuta, eta Aste Santuan biztanleriaren hornidura bermatzeko asmoarekin, apirilaren 11n arrain-postuak irekitzea erabaki dute.
Mercabilbaoko artxiboko irudia. Argazkia: EiTB
Mercabilbaoko Arrain-saltzaile Handizkarien Elkarteak adostu duenez, arrain-postuak irekita egongo dira apirilaren 11n, Aste Santuan zehar, nahiz eta barazkienek eta fruituenek itxita jarraituko duten.
"COVID-19aren pandemiak eragindako konfinamendua dela eta, Aste Santu honetan biztanleriaren hornikuntza bermatzeko, larunbatean arrain-postuak irekitzeko ohiz kanpoko erabakia hartu dugu", jakinarazi du Mercabilbaoko handizkarien elkarteak.
Ondorioz, enpresentzako sarrera zabalik egongo da, 5:30etik aurrera. Bestalde, fruituen eta barazkien postuek itxita jarraituko dute.