Itxi

Borja Belandia

Lanbide: "Ikusteko dago aurreikusi baino eskaera gehiagori erantzuteko gai garen"

Radio Euskadi | Erredakzioa

Leer en Castellano

Autonomoek laguntzak eskatzen hasi direnez, atzo gauean sistema kolapsatu egin zen. Kultura sektoreko laguntzak eskatzeko "beste sistema bat" erabiliko dutela esan du Borja Belandiak.

Laguntzak iristeko ordenaren arabera lehenetsiko dira. Artxiboko argazkia: Radio Euskadi

Borja Belandiak, Lanbideko zuzendariak, Radio Euskadiko "Boulevard Informativo" saioan azaldu duenez, autonomoek laguntza-eskaera asko egin dituztenez, sistema kolapsatu egin da: "Egoitza elektronikoak ez du funtzionatu goizeko 04:00ak arte, eta goizeko 08:00etarako 1.800 eskaera inguru zeuden".

Une honetan lehentasunetako bat da "hasieran aurreikusitakoak baino eskaera gehiagori erantzuteko gaitasuna dugun, herritarren eskaera masiboa egon delako".

Laguntzak iristeko ordenaren arabera lehenesten direla azaldu du, eta laguntzak banatzeko bi modu daudela adierazi du Lanbideko zuzendariak: "partida denen artean banatzea", eta oso diru gutxi izatea eskatzaile bakoitzarentzat, "eta beraz, inorentzat ezer ez", edo "ondoz ondoko konkurrentziagatik, eta jasotzen duenak 3.000 euro jasotzen ditu, eta arazoak konpontzen lagun dezake".

Lanbideko zuzendariak adierazi du, halaber, kultur sektoreko laguntzak eskatzeko "sistema errazagoa" erabiliko dutela.

Jatorrizko informazioa Radio Euskadik landu eta eitb.eus-ek itzuli du.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.

Albisteak (3)