Koronabirusa
Ia 187.000 langileri eragiten diete aldi baterako lan-erregulazioek EAEn
AGENTZIAK | ERREDAKZIOA
Espediente gehien Bizkaian izan dira, 13.456 guztira, eta 88.659 langileri eragiten diete.
Hiru langile Bilbon. Argazkia: EFE
Aldi baterako lan-erregulazio batek eragindako langileen kopurua 186.955era igo da EAEn, hau da, 1.828 langile gehiago daude Eusko Jaurlaritzako Lan eta Justizia Sailak joan den ostegunean emandako azken datuarekin alderatuta.
Datuen arabera, 26.523 aldi baterako lan-erregulazio aurkeztu dira Eusko Jaurlaritzaren aurrean, aurreko zenbaketan baino 147 espediente gehiago.
Lurraldeka, Bizkaian 13.456 espediente aurkeztu dira, 88.659 langileri eragin dietenak; Gipuzkoan 9.230 aurkeztu dira 60.273 langilerentzat; eta Araban 3.837 espediente erregistratu dira, 38.023 pertsonari eragin dietenak.