Bruselak beste enpresa batzuen datuak "neurri gabe" erabiltzea egotzi dio Amazoni

Europako Batzordeak Amazon multinazional estatubatuarrari leporatu dio bere produktuak saltzeko orduan beste enpresa batzuen datuak neurri gabe erabili izana.

Bruselak kargu-orri baten bidez eman dio konpainiari "arau-hauste" horren berri.

Gainera, Europako Batzordeak Amazonen aurkako bigarren ikerketa ireki du, bere eskaintzei eta bere zerbitzu logistikoak erabiltzen dituzten saltzaileei "modu artifizialean" mesede egiten ari dela iritzita.

Amazonek internet bidez soilik saltzen ditu bere produktuak, baina, halaber, merkatari independenteen erakusleiho eta merkatu ere bada bere plataforma.

Horregatik, Europako Batzordearen "atariko" ondorioa da Amazonek Batasuneko lehia arauak urratu dituela online merkataritza txikizkarian.

Bruselak nabarmendu du ikerketa sakon bat abiatu dutela, baina horrekin ez dutela aurreepaiketarik egin nahi.