ETXEBIZITZAK
Etxebizitzen prezioak % 4,2 egin du behera EAEn eta % 12,6 Nafarroan martxotik
EITB MEDIA
EAE jaitsiera txikiena izan duen bigarren erkidegoa da. Nafarroa, aldiz, jaitsiera handiena izan duen bigarrena da.
Etxebizitzak. EITBren bideo batetik ateratako irudia
Etxebizitza berrien eta erabilien batez besteko prezioa % 4,2 jaitsi da EAEn, eta % 12,6 Nafarroan, martxoan osasun krisia hasi zenetik, Tinsa tasazio elkartearen estatistikaren arabera.
Horrela, EAE da prezioen jaitsiera txikiena izan duen bigarren erkidegoa, Balear Uharteen atzetik (-% 3) eta Asturiasen aurretik (-% 4,9). Etxebizitzaren batez besteko prezioa 2.041 eurokoa da metro koadroko, Estatuko altuena.
Nafarroako etxebizitzen prezioa % 12.6 jaitsi da martxotik, bigarren lekuan kokatuta; Errioxak bakarrik aurreratu du, % 15,9ko jaitsierarekin.
Tinsak laugarren hiruhilekoko prezioen bilakaera ere aztertu du eta honek ere behera egin du (2019ko prezioekin alderatuz) EAEn ( % 6,8) eta Nafarroan (% 8,8).
EAEko lurraldeka, prezioak Araban jaitsi dira gehien (-% 11,8), Bizkaian (-% 8,8) eta Gipuzkoan (-% 2,4).
Hiriburuei dagokienez, Bilbon eta Gasteizen prezioak % 2,3 eta % 0,8 jaitsi dira. Donostian, aldiz, prezioak % 1,4 egin du gora.
Horrela, Donostia hiribururik garestiena da (3.518 € / m2), Bartzelona (3.160 € / m2) eta Madril (2.830 € / m2) atzetik dituela. Gipuzkoa ere probintziarik garestiena da (2.408 € / m2); atzetik Balear Uharteak (2.232 € / m2), Madril (2.181 € / m2) eta Bartzelona (2.072 € / m2) daude.