Munduko ekonomia
Munduko Bankuak % 4ko hazkunde ekonomikoa aurreikusi du 2021ean txertoengatik
AGENTZIAK | EITB MEDIA
Ekonomia suspertu egingo da covid-19aren aurkako txertoen banaketa zabaldu ahala. Hala ere, "ziurgabetasun" handia dagoela ohartarazi du erakundeak.
Lainoztagailuen enpresa bat. EITBko bideo batetik ateratako irudia.
Munduko ekonomia % 4 suspertuko da aurten covid-19aren aurkako txertoen banaketa zabaldu ahala, pandemiaren eraginez % 4,3 murriztu ostean 2020an, Munduko Bankuak aurreikuspen ekonomikoen txostenean iragarri duenez.
Hala ere, erakundeak ohartarazi duenez, "ziurgabetasun" handia dago, eta, beraz, egoera negatibo batean, "kutsatzeek gora egiten jarraitzen badute eta txertoen banaketa atzeratzen bada, hazkundea % 1,6ra mugatu daiteke 2021ean mundu osoan".
"2020ko munduko jarduera ekonomikoaren kolapsoa hasieran proiektatu zena baino arinki txikiagoa izan da, batez ere ekonomia aurreratuen uzkurtzea aurreikusitakoa baino txikiagoa izan delako, eta Txinan susperraldia aurreratu baino sendoagoa izan delako", adierazi du erakundeak sei hilean behin egiten duen "Munduko Aurreikuspen Ekonomikoak" txostenean.