VGP
Helegitea aurkeztuko dute Sestaoko Navalen esleipenaren aurka
radio euskadi | eitb media
Marina Meridionalek eta AYMk helegite bateratua aurkeztuko dute merkataritza epailearenean. Bi enpresa horiek lehiaketan aurkeztu ziren, ontziak ekoizteko asmoarekin.
Sestaoko Naval ontziola. Argazkia: EiTB
Sestaoko Naval ontziolaren instalazioen enkantera aurkeztu ziren bi enpresak helegitea aurkeztuko dute VGP talde belgikarraren esleipenaren aurka, Radio Euskadik jakin ahal izan duenez.
Marina Meridional eta AYM dira aurkeztuko dutenak. Helegite bateratua sartzea da asmoa. Enkantean proiektua aurkeztu zutenean, ontziak ekoizten jarraitzeko asmoa zuten, ehunka lanpostu sortzeko, baina belgikarrek baino diru eskaintza txikiagoa egin zuten. VGPk parke logistiko bat altxatu nahi du ontziolaren lurzoruan.
Azaldu dutenez, zenbait argudio helaraziko dizkiote merkataritza epaileari: alde batetik, ezin dela aktibotik bereizi ontziolaren jarduerarako den atrakatzeko linea; eta bestetik, forma akatsak, enkantearen irabazle den heinean, VGPk oraindik ez duela ordaindu bermea. Gainera, industria jarduerari lehentasuna ematen dioten proiektuei lehentasuna eman behar zaiela gogoraraziko dute.
Aldi berean, enpresa horiek belgikarrekin ari dira lurzoruaren alokairua negoziatzean, beraz, baliteke helegitea presioa egiteko modu bat izatea.