54 urteko behargin bat hil da Berriobeitin, pala kargatzaile batek harrapatuta

Agentziak | EITB Media

Publikatuta: 2021/09/04 17:18 (UTC+2) Azken eguneratzea: 2021/09/04 17:20 (UTC+2)

Berriozarkoa da biktima. Nafarroako Ospitalera eraman dute istripuaren ostean, eta bertan baieztatu dute haren heriotza.

Istripua gertatu den tokia. Argazkia: Foruzaingoa

Berriozarko 54 urteko behargin bat hil da Berriobeitiko enpresa batean, pala kargatzaile batek harrapatuta. 10:40 aldera jazo da lan istripua.

Ezbeharraren ostean, biktima Nafarroako Ospitalera eraman dute, anbulantziaz. Bertan, haren heriotza baieztatu dute, Foruzaingoak jakitera eman duenez.

Pala kargatzailearen gidaria ere Nafarroako Ospitalera eraman dute.