Lan istripua
Berriozarko 39 urteko langile bat hil da Lakuntzan
Eitb Media
15:15ean gertatu da ezbeharra, pieza handiak galdatzen lan egiten duen Sakana Elkarte Kooperatiboan. Atzo beste istripu bat izan zen lantegi horretan bertan, eta LABek salatu duenez, 2015etik enpresa horretan bizia galdu duen laugarren behargina da.
Lakuntzako Sakana Kooperatiba Elkartea. Irduai: EiTB Media
39 urteko berrioztar bat hil da gaur arratsaldean, lan-istripuan, Lakuntzako Sakana Kooperatiba Elkartean, Foru Gobernuak EITBri baieztatu dionez.
Pieza handi batek jo du eta harrapatuta gelditu da behargina. Etxarri-Aranatzeko mediku taldea eta Altsasuko suhiltzaileak bertaratu dira, eta hasieran gizona suspertzen saiatu diren arren, azkenean hil egin da.
LABek salatu du, gaurkoarekin lau direla jada enpresa horretan 2015etik hil diren langileak.
Sakana kooperatibaren Lakuntzako eta Arbizuko lantegietan 2015etik lan istripuan hiltzen den laugarren langilea da.
— LAB Nafarroa (@LABnafarroa) March 18, 2022
ASKI DA!!! https://t.co/Xe0MSivrSX