LAN GATAZKA
Greba eguna dute gaur Bizkaibusen Ezkerraldeko, Meatzaldeko eta Enkarterriko zerbitzuetan
AGENTZIAK | EITB MEDIA
Ezkerraldea-Meatzaldea Bus eta Vectalia Enkarterri enpresetako langileek manifestazioa egingo dute EITBtik Bizkaiko Foru Aldundiaren egoitzara.
Your browser doesn’t support HTML5 video
Bizkaibusen zerbitzua eskaintzen duten bi enpresatako langileak (Ezkerraldea-Meatzaldea Bus eta Vectalia Enkarterri) greba egitera deituta daude gaur, lan hitzarmena berritzea eskatzeko.
Gainera, 24 orduko grebaz gain, sindikatuek manifestazioak deitu dituzte goizeko lehen orduan Bilbon. 08:00etan abiatuko dira EITBren Bilboko egoitzatik, eta, Sabino Arana kalea igaro ondoren, Bizkaiko Foru Aldundiaren egoitzaren aurrera joango dira, eta kontzentrazioa egingo dute bertan.
Hori dela eta, auto-ilarak sortuko dira San Mameseko sarreran.