Repsolen mozkinak % 20 murriztu dira lehen hiruhilekoan, erregai gordinaren beherakadaren ondorioz

Repsolek 1.112 milioi euroko mozkin garbiak izan ditu 2023ko lehen hiruhilekoan, hau da, % 20,1 egin dute behera aurreko ekitaldiko garai berarekin alderatuta. Enpresak erregai gordinek hiruhilekoan izan duten jaitsierari egotzi dio beherakada; izan ere, batez beste % 20koa izan da urte arteko konparazioan.

Merkatura bidalitako aurkezpenaren arabera, ustiapenaren emaitza gordinak % 20,3 egin du behera, 2.696 milioi euroraino. Ustiapeneko emaitza gordin doituak, berriz, % 24,6 egin du gora, 3.061 milioi eurokoa izan baita. 

Aitzitik, negozioen funtzionamendua neurtzen duen emaitza doitua % 78,4 hazi da, 1.891 milioi eurora iritsita, hots, aurreko urtean baño 1.060 milioi gehiago. 

Oro har, Repsolen negozio-eremuek emaitza onak izan dituzte hidrokarburoen prezioak behera egin arren, AEBk eta Europak inflazio globalaren aurrean zuten ziurgabetasun ekonomikoaren eraginez. Brent erregai gordinaren batez besteko kotizazioa upeleko 81 dolarrera jaitsi da; eta Henry Huben gas naturala 3,4 dolar ordaindu da MBtu bakoitzeko (horrela neurtzen da han).