Automobilgintza
Nafarroako Volkswagenek mantendu du 2023rako ekoizpen aurreikuspena
AGENTZIAK | EITB MEDIA
Horrenbestez, aurreikuspenek bere horretan jarraituko dute, nahiz eta erdieroale piezen gabezia dela eta enpresa 13 egunez itxita egon.
Nafarroako Volkswagen lantegia. Argazkia: EFE.
Nafarroako Volkswagenek 2023ko programaran aurreikusitako 295 020 autoen produkzioari eutsi dio. Horrenbestez, aurreikuspenek bere horretan jarraituko dute, nahiz eta 13 egunez itxita egon, erdieroale piezen gabezia dela eta.
Horretarako, enpresak adierazi du beharrezkoa izango dela hitzarmen kolektiboan bigarren seihilekorako aurreikusitako malgutasun-neurriak ezartzea. Horren adibide, "datozen egunetan aztertuko diren" etenaldien lekualdaketa.
Izan ere, albiste onak dira enpresarentzat, hainbat hilabetez piezarik gabe egon ondoren 13 eguneko derrigorrezko geldialdia jasan ondoren. Horrek 19 000 auto baino gehiago ekoizteari utzi behar izatea ekarri zuen. Beraz, produkzioa urteko bigarren erdian berreskuratu beharko da, ezarritako xede-unitateak osatzeko.