Lan-gatazka
Bilbao Kirolak erakundeko kirol instalazioez arduratzen diren lorezainek greba mugagabea hasiko dute gaur
AGENTZIAK | EITB MEDIA
Langileek, lan-baldintzak hobetzea eta hitzarmena berritzea eskatzen dute. LAB sindikatuak ohartarazi duenez, Bilboko Udalaren mende dauden udako igerilekuen irekiera-data atzeratu daiteke greba honen eraginez.
Bilboko Udalaren mende dagoen udako igerileku bat. Argazkia: @LABbilbo
Bilbao Kirolak erakundearen kirol instalazioez arduratzen diren lorezainek, Enviser enpresako langileek osatuta, greba mugagabea hasiko dute gaur, ekainaren 5ean.
LAB sindikatuak ohar batean jakinarazi duenez, urte eta erdi igaro da "lan-baldintzen hobekuntzak negoziatzeko proposamen bat egin zenetik, horrela udaleko gainerako lorezainekin alderatuta ekiparazioan aurrera egin ahal izateko".
Sindikatuak, hobekuntzak eskatu ditu "16 urte berritu gabe daramatzan hitzarmenean, enpresaren aldetik orain arte jasotako erantzun bakarra baldintza horiek nabarmen murriztea izan baita".
Ondorioz, langileak grebara joango dira, eta hori, LABek ohartarazi duenez, "arrisku larria dakar Bilboko Udalaren mende dauden udako igerilekuen irekiera-datako baldintzen egokitasunari dagokionez; izan ere, igerilekuak irekitzea bera ere arriskuan jartzen da".
¿ Bilbao Kirolak-eko kirol instalazioez arduratzen diren lorezainen kolektiboak, ENVISER enpresako langilez osatuak, greba mugagabea hasiko du datorren asteleheneanhttps://t.co/xVEHPuzaEj pic.twitter.com/raEBgP4w3v
— LAB SINDIKATUA (@LABsindikatua) June 2, 2023