Murrizketak
Gobernuak 400 euroko ordainsaria kenduko die langabeei
Erredakzioa
Enplegu Ministerioak programa horren bitartez langabe gutxik lortzen dutela lana uste du (% 6).
Gobernuak 400 euroko ordainsaria kenduko die langabeei. Argazkia: EFE
Gobernuak ez du Prepara Plana berrituko, eta, hortaz, bestelako diru-laguntzarik jasotzen ez dutenek 400 euroko laguntza jasotzeari utziko diote.
Abuztuaren erdialdean amaituko da Prepara Plana eta, orain arte, pertsona gutxik (jaso duten guztien % 6) baliatu dute, Ministerioaren aburuz, lana lortzeko. Planak "eraginkortasunik" ez duela erakusten du tasa baxu horrek, Ministerioko kideen hitzetan.
2011eko otsailetik 2012ko apirilaren 30era arte, 411.000 pertsonak jaso dute Prepara Planeko diru laguntza.