UDAL AURREKONTUAK
EH Bilduk premiazko agerraldia egingo du gaur goizean Gasteizen, Aurrekontuen akordioaren inguruan
EITB MEDIA
EH Bilduk asteak eman ditu EAJrekin eta PSE-EErekin aurrekontuak negoziatzen, eta gaur agerraldia egingo du, goizeko 10:30etan.
Gasteizko hirigunea. Argazkia: EITB Media
Gasteizko EH Bilduk premiazko agerraldia egingo du goizeko 10:30ean, eta, prentsaurrekoan, Arabako hiriburuko aurrekontuen inguruko akordioa iragartzea espero da. Rocio Vitero bozeramaileak egingo du agerraldia.
EH Bildu EAJrekin eta PSE-EErekin Gasteizko Udaleko aurrekontuak negoziatzen aritu da azken asteotan.
Atzo, Pello Otxandiano EH Bilduko lehendakarigaiak baieztatu egin zuen PSE-EErekin eta EAJrekin akordioa ixteko aukera bazegoela.
EH Bilduk 12 milioi euroko zuzenketak aurkeztu zituen Aurrekontuen egitasmoaren aurrean, bost bloketan antolatuta: adinekoentzako arreta hobetzea, etxebizitza publikoa alokairu irisgarrira bideratzea, enplegua bultzatzea eta merkataritzako lokalak dinamizatzea, energia-komunitateekin trantsizio energetikoa eta mugikortasun iraunkorra bizkortzea, eta Iradier Arena birmoldatzea.