Ekonomia Ministerioa
'Banku txarra' abenduan abiatuko dela iragarri du De Guindosek
Erredakzioa
Bestalde, Banku Berregituraketa Ordenaturako Funtsaren laguntza behar duten bankuek azaroan jasoko dute dirua, Ekonomia arduradunak Kongresuan adierazitakoaren arabera.
Luis de Guindos Ekonomia ministroa. Argazkia: EITB.
‘Banku txarra’ abenduan abiatuko da, Luis de Guindos Ekonomia ministroak iragarri duenez. “Higiezinen aktiboen inguruko zalantzak argituko dizkie erakunde horrek inbertitzaileei”, adierazi du.
Bestalde, Banku Berregituraketa Ordenaturako Funtsaren laguntza behar duten bankuek azaroan jasoko dute dirua, Ekonomia arduradunak Kongresuan adierazitakoaren arabera.
Madrilgo Kongresuan finantza sistemaren azken erreforma balioztatzeko eztabaida egin dute gaur goizean. Erreforma hori aurrera aterako dute, PPren eta CIUren botoei esker. EAJ abstenitu egingo da, eta gainerako taldeek kontra bozkatuko dute.
Egonkortasun Legea aldatzea, erkidegoak erreskatatu ahal izateko, eta langabeentzat 400 euroko diru-laguntza bideratzea ere onartuko ditu gaur Kongresuak.