Pertsona bat oso larri zauritu da Altsasun lan-istripua izanda

49 urteko gizon bat oso larri zauritu da larunbat arratsaldean Altsasuko Erburua kaleko obra batean lanean ari zela erorita.

SOS Nafarroa larrialdiak kudeatzeko zentroak 15:06an jaso du istripuaren berri, eta Altsasuko suhiltzaileak, guardiako talde medikoa, helikoptero medikalizatua, bizi-euskarri aurreratuko anbulantzia bat, oinarrizko bizi-euskarriko anbulantzia bat eta Altsasuko eta Iruñeko polizia-etxeetako Herritarren Segurtasunerako patruilak bertaratu dira.

Gizona egoitza psikogeriatrikoaren inguruko obra batean ari zen lanean, eta hiru metroko altueratik erori da eta kolpea hartu du buruan.

Lehen laguntza jaso ondoren, suhiltzaileek Altsasuko suhiltzaileen parketik gertu dagoen heliportura eraman dute, eta helikopteroko talde medikoak egonkortu egin du. Azkenik, Nafarroako Unibertsitate Ospitalera eraman dute, garezurreko traumatismo entzefalikoa zuela, oso larri.

Foruzaingoaren Iparraldeko Polizia Judizialaren Brigadako kideek ikerketa abiatu dute ezbeharraren ingurukoak argitzeko.