Lan istripua
Auto batek langile bat harrapatu du AP-8an, Irungo ordainlekuan, eta ospitalera eraman dute zaurituta
EITB
Arratsaldeko hirurak hamar gutxi aldera gertatu da ezbeharra. Antza, bertatik pasatzen ari zen auto batek aurretik eraman du langilea, oraindik argitu gabe dauden arrazoiak tarteko.
Irungo bidesaria, artxiboko irudi batean.
Irungo ordainlekuko langile bat zauritu da igande arratsaldeko lehen orduan, bertatik pasatzen ari zen auto batek harrapatuta, Segurtasun Sailak emandako informazioaren arabera.
Arratsaldeko hirurak hamar gutxi aldera gertatu da ezbeharra. Antza, bertatik pasatzen ari zen auto batek aurretik eraman du langilea, oraindik argitu gabe dauden arrazoiak tarteko.
Zauritua, emakumea, ospitalera eraman dute.