Lan-gatazka
Corrugados Azpeitiak 60 langile kaleratzea babestu du
Erredakzioa
Gipuzkoako enpresak lan-erregulazioko txostenaren alde egin du, arrazoi ekonomikoengatik, salmentak jaistea eta enpresaren galerak direla medio. Epaia epailearen esku utzi dute.
Corrugados Azpeitiako langileak, Bilboko auzitegian aurrean bilduta. EFE
Corrugados Azpeitia enpresa gipuzkoarrak aurkeztutako lan-erregulazioko txostenaren alde egin du, EAEko Justizia Auzitegi Nagusian. Horrek 60 langile kaleratzea dakar; ELAk eta LABek, aldiz, hori baliorik gabe uztea defendatu dute.
EAEko Justizia Auzitegiak Corrugados Azpeitiako 60 langile kaleratzeari buruzko epaiketa egin du arratsalde honetan. Enpresako langileak greba mugagabean daude, enpresaren planen aurka egiteko.
Enpresak lan-erregulazioko txostenaren alde egin du, arrazoi ekonomikoengatik, salmentak jaistea eta enpresaren galerak direla medio, lehenengo lauhileko datuak oinarri hartuta. Halaber, aurrera egiteko era bakarra dela nabarmendu du.
Jarrera hau justifikatzeko, epaiketan finantza eta giza baliabideen zuzendariak deklaratu dute, besteak beste. Alfonso Gallardo Corrugados Azpeitiako kontuak ikuskatzen dituen enpresako kide batek peritu moduan deklaratu du.
ELA eta LAB sindikatuek kaleratzeak baliorik gabe uztea eskatu dute, enpresak lan erregulazio-txostenaren kontsultaren epea bete ez duela uste dutelako, "benetako" negoziazio bat ahalbidetu gabe, hasieratik 60 kaleratzeak "aldaezinak" zirela mantendu zuelako.
Corrugados Azpeitiak 2011ko abenduan lan erregulazioko beste txosten bat egin zuen arrazoi berberengatik, horren ondorioz, 100 langile kaleratu zituzten, agintariek enpresak eskatutako 140 kaleratzeak ez onartuta.