Bridgestonek 184 langile kaleratu nahi ditu Basaurin, eta 32 Usansolon

Pneumatikoak ekoizten dituen Bridgestone multinazionalak lan-erregulazio txostena aurkeztu du, eta 216 langileri eragingo die Euskadin. Zehazki, 184 langile kaleratu nahi ditu Bridgestonek Basauriko egoitzan, eta beste 32 Usansoloko lantegian, biak Bizkaian.

Guztira, Estatu osoko lau egoitzetako 442 langileri eragingo die lan-erregulazio txostenak. 4.087 langile ditu Bridgestonek Estatuan, eta, beraz, langileen % 13ari eragingo dio murrizketa neurriak.

Basauriko eta Usansoloko kaleratzeekin batera, Torrelavegan (117) eta Burgosen (109) ere kaleratzeak egin nahi dituzte. Enpresak azaldu duenez, "urtebete baino gehiago da pneumatikoen salmentak behera egin duela, eta orain arte beste lan-erregulazio txosten batzuekin egin izan zion aurre beherakada horri. Egoerak, baina, txarrera egin du, eta langileen kopurua murriztu beharra dago''.