Urgentziazko neurriak
Kaleratzeen kontrako lege-erreforma adostu dute Gobernuak eta PSOEk
Erredakzioa
''Prebentziozko neurriak eta neurri leungarriak'' ezartzea izango du helburu, eta urgentziazko bidea erabiliko dute araua onartzeko.
Stop Desahucios (artxiboko irudia).
Kaleratzeen kontra urgentziazko neurriak bilduko dituen lege-erreforma egitea adostu dute Soraya Saenz de Santamaria Gobernuko presidenteordeak eta Elena Valenciano PSOEko idazkariordeak. Urgentziazko bidea erabiliko dute araua onartzeko.
Erreforma horren ezaugarri teknikoak sei adituk osatutako talde batek ezarriko ditu. Hala, Gobernuko hiru ordezkarik eta PSOEko beste hiru ordezkarik osatuko dute talde hori, eta astelehenean bertan bilduko dira.
''Prebentziozko neurriak eta neurri leungarriak'' ezartzea izango du helburu, eta neurri berriek ahalik eta adostasun handiena izatea nahi dute.