Espainiako etxegabetzeen arauak ez du Europako legea betetzen

 Juliane Kokott EBko Justizia Auzitegiko abokatu nagusiaren arabera, Espainian hipoteka ez ordaintzeagatik kaleratzeak egiteko araudiak ez ditu betetzen kontsumitzaileak babesteko Europako legeak.

Abokatuaren aburuz, Espainiako arauek ez dute kontsumitzailea hipoteka kontratu batek izan ditzakeen gehiegizko klausulen aurrean babesten; izan ere, kontsumitzaileari etxea kentzen diote horrek auzitara jo baino lehen.

Abokatu nagusiaren adierazpenak ez dira halabeharrez betetzekoak, baina Auzitegiak emango duen epaia aurreratu ohi dute.