Hondakinen tratamendua
Zubietako erraustegiaren gatazka, konpontzeko bidean
Erredakzioa
Gipuzkoako Hondakinen Kudeaketak eta enpresa eraikitzaileek bi hilabeteko epea adostu dute, kalte-ordainak negoziatzeko.
Zubietako erraustegia egingo zuten lekua. EiTB
Gipuzkoako Hondakinen Kudeaketak (GHK) eta Zubietako erraustegia egingo zuten enpresek bi hilabeteko epea adostu dute, gatazka konpontzeko. Hain zuzen ere, azkenean GHK-k azpiegitura hori ez eraikitzeagatik enpresei eman beharreko kalte-ordainak negoziatuko dituzte.
GHK-k eta enpresek agiri bateratu batean azaldu dutenez, gainera, konpainiek uko egin diote Gipuzkoako Merkataritza Ganberaren bitartekaritza eskatzeari.
Bi aldeek "borondate ona" agertu dute gatazka konpontzeko, agiriaren arabera.