Zirkulazio istripua
Bost urteko neskato bat hil da Oionen, auto batek harrapatuta
Erredakzioa
Atzo arratsaldean gertatu zen ezbeharra, eta Logroñoko ospitale batera eraman zuten, larri.
5 urteko neskato bat hil da, Oionen auto batek harrapatuta, Eusko Jaurlaritzako Segurtasun Sailak jakinarazi duenez.
Antza denez, atzo 18:45ean gertatu zen ezbeharra. Haurra Nafarroa etorbidea zeharkatzen ari zela, auto batek harrapatu egin zuen. Ezbeharrean larri zauritu zen, eta Logroñoko San Pedro ospitalera eraman zuten.
Medikuek ezin izan dute haren bizia salbatu, eta goizaldean hil da.
Ertzaintzak ikerketa abiatu du zer gertatu zen ikertzeko.