Osasuna
Zigarro elektronikoa eskola, ospitale eta garraioetan debekatu dute
Erredakzioa
Osasun Ministerioak eta autonomia erkidegoek osasun eta hezkuntza zentroetan, administrazio publikoetan eta garraio publikoetan zigarro elektronikoaren erabilera debekatzea adostu dute.
Your browser doesn’t support HTML5 video
Ana Mato, Osasun, Gizarte Zerbitzu eta Berdintasun ministroak eta autonomía erkidegoek estatu mailako arau baten bidez zigarreta elektronikoak osasun eta hezkuntza zentroetan, oro har administrazio publikoetan eta batik bat publikoaren arretarako guneetan eta garraio publikoetan erabiltzea debekatzea adostu dute.
Osasun Sistema Nazionalaren Lurralde arteko Kontseiluan adostu dute neurria, asteazken honetan, ministroak berak esan duenez, "eztabaida bizia" izan eta gero.
Matoren esanetan, adingabeak babesteko hartu dute erabakia, "ezinbestean". Horrez gain, talde parlamentarioei produktu horiek eta tabakoarekin eginikoak parekatzeko Tabakoaren aurkako Legea moldatzea proposatuko diete.