Gertakaria
Emakume baten gorpua aurkitu dute Zadorra ibaian, Gasteizen
agentziak | erredakzioa
Atzo 85 urteko emakume bat desagertu zela salatu zuten, eta litekeena da bera izatea.
Zadorra ibaia
Emakume zahar baten gorpua aurkitu dute gaur goizean Zadorra ibaian, Gasteizko Abetxuko auzoaren parean, Eusko Jaurlaritzaren Segurtasun Sailak jakitera eman duenez.
Emakumearen hilotza 08:30ean aurkitu du Ertzaintzak, Zadorran, Abetxuku auzoko zubitik gertu.
Dirudienez, aipatu iturrien arabera, litekeena da 85 urteko emakume baten gorpua izatea; izan ere, atzo salatu zuten haren desagerpena. El Pilar adinekoentzako zentro soziokulturaletik atera zen 17:00etan, eta ez zen etxera itzuli.