Turismoa
Iruñeko historia ezagutzera emateko aplikazioa plazaratu dute
Radio Euskadi | EITB.EUS
Aplikazioak hiriaren nortasuna marraztu duten gertakari historiko nagusiak ezagutzeko aukera eskaintzen du. Doan deskarga daiteke, eta euskaraz, gaztelaniaz, ingelesez eta frantsesez dago.
Iruñeko historia bertako kaleetatik zehar eta aplikazio baten laguntzarekin ikasteko aukera eskaintzen du Nabarralde Fundazioak sortutako gailuak. Iruñeko Udala eta Nafarroako Gobernuarekin batera egindako elkarlanaren emaitza da.
Aplikazioak hiriaren nortasuna marraztu duten gertakari historiko nagusiak ezagutzeko aukera eskaintzen du. Doan deskarga daiteke App Storen eta Play Storen, euskaraz, gaztelaniaz, ingelesez zein frantsesez.
Alde Zaharretik proposatzen dituen ibilbideetako leku zehatzetan jazotako gertakariak berreskuratzen ditu, bisitaria agertokiz agertoki eramanez. Planoetan agertzen diren informazio puntuak testu, irudi eta audioez osatzen dira.
Ekimen berri hori Iruñea bisitatzera gerturatzen direnei zein bertan bizi direnei dago zuzenduta.