Ezbeharra
Ume bat hilda eta beste bat zaurituta, zutoin bat gainean erorita
Erredakzioa
Antza, umeak bi zutoinen artean zegoen kate batean kulunkatzen ari ziren, eta horietako zutoin bat adingabeen gainean erori da.
Torrenten (Valentzia) ume bat hil da eta beste bat zauriak ditu ustez bi zutoinen artean zegoen kate batean kulunkatzen ari zirela, horietako zutoin bat adingabeen gainean erorita, adierazi dute suhiltzaileek.
Iturri berdinen arabera, ezbeharra Alfontso X Jakitunaren kaleko 5. zenbakian jazo da, 17:45ak aldera.
Larrialdien Informazio eta Koordinazio Zentroko iturriek adierazi dutenez, osasun taldeak ezbeharra jazo den lekura heldu direnean, umeetako bat hilda zegoen eta bestea ospitale batera eraman dute.