Zentral nuklearra
Zesio isuri erradioaktibo baten arrastoak aurkitu dituzte Garoñan
agentziak | erredakzioa
Azken ikuskapenaren arabera, isuria "ez zen atzeman bere garaian edo ez zen modu egokian garbitu".
Garoñako zentral nuklearra. Argazkia: Efe
Garoñako zentral nuklearrean egindako azken azterketan zesio erradioaktibo isuri baten arrastoak aurkitu dituzte hondakinen behin behineko biltegian, bere garaian "atzeman ez zuten isuri batena edo modu egokian garbitu ez zutena".
Aurreko ekainaren 20an atzeman zuten isuria, ohiko ikuskapen lanetan, 2009tik mugitu gabe zeuden hiru hormigoizko edukiontziren azpian.
Bi metro koadro inguruan atzeman zuten zesio-137, eta bertako lurra kendu zuten. Dirudienez, "duela urte asko izandako isuri baten arrastoa da".