Haize-denboralea Euskadin
Emakume bat eta bi haur ospitalean, Lezaman puzgarri bat iraultzean
Erredakzioa
Puzgarria Bizkaiko udalerriko udaletxearen atzean jarrita zegoen ohiko Nekazal Azoka ospatzeko. Ospitaleratutako haur batek pronostiko erreserbatua dauka.
Lau pertsonak, bi emakume eta bi haur, zauri arinak izan dituzte Lezaman haize boladek puzgarri bat irauli ostean. Horietariko hiru Gurutzetako Ospitalera eraman dituzte, konkretuki, lau urteko haur bat (pronostiko erreserbatuarekin), bost urteko beste haur bat, zauri arinekin, eta emakume bat, pronostiko arinarekin.
SOS Deiakek 12:30ak aldera jaso du abisua; Euskadin dauden haize bolada indartsuen ondorioz, Lezamako udaletxearen atzekaldean zeuden bi puzgarritatik bat irauli dela esanez.