EMAKUMEEN KONTRAKO INDARKERIA
Bi emakumek sexu-abusuak salatu dituzte Gasteizko jaietan
AGENTZIAK | ERREDAKZIOA
34 urteko gizonezko bat atxilotu du Udaltzaingoak, sexu-gehiegikeriak egitea egotzita, eta epailearen esku utzi dute.
27 urteko bi emakumek sexu-abusuak egin dizkietela salatu dute Gasteizko Andre Maria Zuriaren jaietako lehendabiziko gauean.
Arabako hiriburuko Udalak jakitera eman duenez, Udaltzaingoak dagoeneko atxilotu du 34 urteko gizonezko bat, sexu-gehiegikeriak egitea egotzita, eta epailearen esku utzi du.
Bart izan dira erasoak, Gasteizko Alde Zaharreko taberna batean. Antza, gizonezkoak bi emakumeei ukituak egin zizkien. Inguruan zeuden lekukoek berehala egin zioten aurre erasotzaileari, eta Poliziari deitu zioten.
--------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.