Angel Boza 'La Manada'ko kidea epaituko dute, lapurreta egotzita

Angel Boza 'La Manada'ko kidea epaitu egingo dute, abuztuaren 1ean, fidantzapean aske zela, eguzkitako betaurreko batzuk lapurtzea egotzita, eta behin-behinean preso jarraituko du.

Hala erabaki du Sevillako 16 zenbakiko epaitegiko titularrak, Juan Gutierrez Casillak, defentsaren aske uzteko eskaerari uko egin ostean eta Bozaren aurkako prozedura motza erabaki ostean, auzitegietatik jakitera eman dutenez.

Epaileak kartzelaratzea erabaki zuen abuztuaren 2an, gau bat lehenago eguzkitako betaurreko batzuk lapurtzeagatik Sevillako merkataritza-gune batean eta bi segurtasun zaindari harrapatzen saiatzeagatik aparkalekutik ihes egitean. Udaltzaingoaren patruila batek atzeman zuen, betaurrekoak eskularru-kaxan zeramatzala.

Epaileari egindako adierazpenetan, Bozak lapurreta egin zuela onartu zuen, baina zaindariak harrapatzen saiatzea ukatu zuen, ihes egiten saiatzean horietako bat autoarekin nahi gabe kolpatu zuela esanez.

Halere, epailak kartzelara bidali zuen, indarkeriaz egindako lapurreta egotzita, gertaeren larritasuna ikusita; 2 eta 5 urteko zigorra izaten dute.

Ostiral honetan eman dute horren berri, ‘La Manada’ko kideek epaitegietan agertu behar duten hiru egunetako batean. Nafarroako Auzitegiak jarritako kautelazko neurrien betekizuna sinatu behar dute, aske geratu ostean.