Indarkeria matxista Bilbon
Biktimaren alaba txikiak amaren gorpuarekin egon dira 24 orduz, etxean
eitb.eus
Ustezko hiltzaileak ihes egin zuen hilketa gauzatu ondoren, eta astearte arratsaldean atxilotu dute, Mutrikun. Lagun baten etxean ezkutatuta zegoen.
Argazkia: EFE
Baliteke Bilbon ustez senarrak hil duen emakumearen bi alaba txikiak amaren gorpuarekin egon izana 24 orduz baino gehiagoz, ETBk jakin izan duenez.
Ertzaintzak 13:30ean topatu du 25 urteko andrearen gorpua, Ollerietagoiena kaleko 25. zenbakiko etxe batean, Atxuri auzoan.
Nolanahi ere, auzokideek azaldu dutenez, astelehen goizaldean, 05:30ean, zarata handia entzun zuten senar-emazteen etxean. Gerta liteke une horretan jazo izana krimena, ETBk informatu duenez.
Ustezko hiltzaileak ihes egin zuen hilketa gauzatu ondoren, eta astearte arratsaldean atxilotu dute, Mutrikun. Lagun baten etxean ezkutatuta zegoen.
Horrek esan nahi du bi alaba txikiak (5 urte baino gutxiago dituzte) amaren gorpuarekin batera egon direla etxean, egun batez baino gehiagoz.