ERREFUXIATUAK
Jendetza hurbildu da Grezian dauden errefuxiatuentzako arropa ematera
EITB.EUS
EAEko eta Nafarroako 35 udalerritan ari dira biltzen arropa, Zaporeak proiektu solidarioak jarritako puntuetan. Donostian lau furgoneta bete dituzte bi ordutan.
Your browser doesn’t support HTML5 video
Grezian negua pasatuko duten errefuxiatuentzako arropa bilketa egiten ari da Zaporeak proiektu solidarioa larunbat honetan EAEko eta Nafarroako 35 udalerritan; Bilbon, Gasteizen, Iruñean, Beasainen, Zarautzen, Lizarran, Tafallan, Laudion, Arabar Errioxan, Markinan eta Etxebarrin, besteak beste.
Izan ere, errefuxiatuak hornitzen dituzten arropa biltegiak minimoen azpitik daudela ikusi zuten Lesbos uhartera egindako azken bidaian.
Neguko arropa (txapelak, jakak, bufandak, eskularruak...) eta barruko arropa zein galtzerdi berriak eskatzen ari dira, bai haurrentzat bai pertsona helduentzat, eta jendetza hurbildu da orain arte laguntza ematera. Pozik daude oso antolatzaileak sare sozialetan ikus daitekeenez:
La respuesta está desbordando todas las previsiones. En dos horas ya se han cargado cuatro furgonetas con ropa para que las personas refugiadas en Grecia puedan soportar los rigores del invierno. Donostia se vuelca con la iniciativa de @ProyectoSabores de la ong Zaporeak pic.twitter.com/lDBHiilItp
— Jorge Napal (@jorge_napal) 17 de noviembre de 2018
Bilketan jasotako jantziak Zaporeak ekimenaren biltegietara bidaliko dituzte, sailkatzeko. Eta azaroaren 26an edo 27an bidaliko dituzte Greziara.
Gainera, banku-kontu bat ireki dute garraiorako dirua biltzeko. Izan ere, 150 euro balio du Greziara palet bat bidaltzeak: 150 euro balio baitu.
- Kutxabank: ES32 2095 5011 80 9115250322
- Laboral Kutxa: ES71 3035 0103 88 1030035880
Ikusgarria, bikaina...hitzik gabe gaur jssotzen ari garen laguntza uholdea eskertzeko! Euskal eta nafar jendarteak beste behin erakutsi du pertsona errefuxiatuen alboan egongo dela laguntza behar duten heinean! Arratsaldean ere jasoko da arropa hainbta lekutan!#JantziNegua
— Zaporeak-Sabores (@ProyectoSabores) 17 de noviembre de 2018
Sukalde bat eraikiko dute errefuxiatu kanpamendu batean
Grezian lan egiten jarraitu ahal izateko, gobernuz kanpoko erakundeen erregistroan izena eman behar izan dute. Orain, sukalde bat eraikiko dute errefuxiatu kanpamenduan dauzkaten 200 metro karratuetan, Morian dauden 750 errefuxiatuei jaten ematen jarraitzeko.
Sukalderako materiala eramatea eta hori eraikitzea, lokala hobetzeko lanak egitea eta janaria prestatzeko zein banatzeko baimenak lortzea izango dira gobernuz kanpoko erakunde berriaren helburu nagusiak.